Եռակողմ սոցիալական գործընկերության և ներառական աշխատաշուկայի հարցերը՝ միջազգային համաժողովի օրակարգում
.jpg?token=ae34bea30b915f4df1e3d84bdefd0804 "Եռակողմ սոցիալական գործընկերության և ներառական աշխատաշուկայի հարցերը՝ միջազգային համաժողովի օրակարգում")
Հունիսի 20-ին Հայաստանի գործատուների հանրապետական միության նախագահ Վահագն Համբարձումյանը մասնակցեց ՀՀ Աշխատանքի և սոցիալական հարցերի նախարարության կողմից կազմակերպված «Միավորվելով հանուն սոցիալական արդարության» թեմայով 3-րդ միջազգային համաժողովին։
Համաժողովի ընթացքում քննարկվեցին Սոցիալական արդարության կոալիցիայի շրջանակում ունեցած ձեռքբերումները, ոլորտային մարտահրավերներն ու սոցիալական արդարության սկզբունքների խթանման ուղղությամբ համագործակցության հնարավորությունները։
Համաժողովին ողջույնի խոսքով հանդես եկավ ՀՀ նախագահ Վահագն Խաչատուրյանը, Աշխատանքի և սոցիալական հարցերի նախարար Նարեկ Մկրտչյանը, ԱՄԿ գլխավոր տնօրենի օգնական և Եվրոպայի և Կենտրոնական Ասիայի տարածաշրջանային տնօրեն Բեատե Անդրեեսը։ Միջոցառմանը մասնակցում էին նաև Չեխիայի Հանրապետության փոխվարչապետ, Աշխատանքի և սոցիալական հարցերի նախարար Մարիան Յուրեչկան, Վրաստանի օկուպացված տարածքներից ներքին տեղահանված անձանց, աշխատանքի, առողջապահության և սոցիալական հարցերի նախարար Միխեիլ Սարջվելաձեն, Իտալիայի Հանրապետության հաշմանդամություն ունեցող անձանց հարցերի նախարար Ալեսանդրա Լոկատելլին, Արաբական Միացյալ Էմիրությունների Մարդկային եղբայրության բարձրագույն կոմիտեի գլխավոր քարտուղար Խալիդ Ղանիմ Ալ-Ղայթը և մի շարք այլ բարձրաստիճան պաշտոնյաներ:
Միջոցառման չորս պանելային քննարկումների շրջանակում բանախոսները խոսեցին սոցիալական արդարության ամրապնդման գործում մարդկային եղբայրության գաղափարի, արդար և ներառական աշխատաշուկայում գլոբալ գործընկերությունների, արհեստական բանականության դերի, խոցելի խմբերի հզորացման և մի շարք այլ թեմաների մասին։
Դավոսի ձևաչափով անցկացվող «Գլոբալ գործընկերություններ՝ արդար և ներառական աշխատաշուկայի համար» խորագիրը կրող պանելային քննարկման բանախոսներն էին ՀՀ աշխատանքի և սոցիալական հարցերի նախարար Նարեկ Մկրտչյանը, ԱՄԿ գլխավոր տնօրենի օգնական և Եվրոպայի և Կենտրոնական Ասիայի տարածաշրջանային տնօրեն Բեատե Անդրեեսը, Չեխիայի Հանրապետության փոխվարչապետ, Աշխատանքի և սոցիալական հարցերի նախարար Մարիան Յուրեչկան և ՀՀ Ազգային ժողովի աշխատանքի և սոցիալական հարցերի մշտական հանձնաժողովի նախագահ Հերիքնազ Տիգրանյանը: Քննարկումը վարում էր Հայաստանի արհմիությունների կոնֆեդերացիայի նախագահ Էլեն Մանասերյանը։
Բանախոսների մասնակցությամբ քննարկման շրջանակում բարձրացվեցին մի շարք առանցքային հարցեր, այդ թվում՝ ՀՀ կառավարության, Հայաստանի գործատուների հանրապետական միության և Հայաստանի արհմիությունների կոնֆեդերացիայի միջև եռակողմ սոցիալական գործընկերության ինստիտուտի կայացման հեռանկարները, գլոբալ գործընկերությունների դերակատարությունը ներառական աշխատաշուկայի ձևավորման գործընթացում աշխատանքային իրավունքների պաշտպանության արդյունավետ մեխանիզմների կիրառումը, ինչպես նաև արժանապատիվ աշխատանքի ապահովման ուղղությամբ առկա մարտահրավերներն ու հնարավորությունները։
ՀԳՀՄ նախագահ Վահագն Համբարձումյանը հանդես եկավ հարցադրմամբ սոցիալական արդարության ամրապնդման գործընթացում գործատուների առավել ակտիվ ներգրավման արդյունավետ մեխանիզմների վերաբերյալ։ Միաժամանակ նա վերահաստատեց Միության պատրաստակամությունը շարունակելու սերտ և կառուցողական համագործակցությունը սոցիալական գործընկերների հետ՝ հանուն արդար, ներառական և արժանապատիվ աշխատանքի միջավայրի ձևավորման։
ՎԵՐՋԻՆ ՆՈՐՈՒԹՅՈՒՆՆԵՐԸ
-
.jpg?token=8025eb434b4e59062e545fc9a6bfd0f4 "Պարենի անվտանգության համակարգը Հայաստանում որպես տնտեսության զարգացման այլընտրանքային մոդել")
15-05-2021Պարենային անվտանգության համակարգը կարող է դառնալ տնտեսության տարբեր ճյուղերը ինտեգրելու և փոխկապակցելու անկյունաքար, ինչպես նաև տնտեսության զարգացման այլընտրանքային մոդել: ՀԳՀՄ-ն և Պարենի համաշխարհային ծրագիրը (WFP) իրականացրել են Հայաստանի պարենային անվտանգության համակարգի բազմափուլ գնահատման ծրագիր, որի արդյունքում 2021թ. փետրվարի 5-ին կազմակերպվեց կոնֆերանս` քննարկելու այն հիմնաքարերը, որոնց շրջանակում ՀՀ պարենային անվտանգության համակարգը կարող է նպաստել տնտեսության մյուս ճյուղերի զարգացմանը (մեր գնահատականով առկա են պարենի անվտանգության հետ կապված առնվազն 15 այդպիսի ճյուղային կապեր): -
.jpg?token=eab5c8c15e5dd74392a64a3573d0fa0a "«TEMPUS» ծրագրի շրջանակներում փորձի փոխանակում և դասընթացներ Գենթ քաղաքում")
05-10-2014ALIGN ծրագրի շրջանակում կազմակերպված դասընթացների նպատակն էր աջակցել ՀՀ բուհերին՝ համաձայնեցնել ՀՀ կրթական ծրագրերը ՀՀ ազգային և ոլորտային կրթական պահանջներին: Թրեյնինգները ձևավորվել են TEMPUS ARMENQA և INARM ծրագրերի շրջանակում՝ համաձայն եվրոպական կրթական համակարգի պահանջների: -
.jpg?token=13b29dc42a0d1b123d77b33b63ccae6a "Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը")
27-02-2020Կայացավ «Աշխատանքի անվտանգության ապահովման և առողջության պահպանման կարևորությունը գործատուների համար» կոնֆերանս-քննարկումը, որը կազմակերպվել էր ՀԳՀՄ կողմից՝ Աշխատանքի միջազգային կազմակերպության աջակցությամբ: -
.jpg?token=b8204d111cfc35e17dd27ae6feb09f9c "ՀԳՀՄ անդամները կարող են ներգրավվել ԵՄ «Ռեսուրսների խնայողություն և մաքուր արտադրություն» ծրագրում")
30-04-20212021թ. ապրիլի 30-ին, ՀԳՀՄ 3 ներակայացուցիչները մասնակցեցին «ԵՄ-ն հանուն շրջակա միջավայրի» գործողության «Ռեսուրսների խնայողություն եւ մաքուր արտադրություն» (ՌԱՄԱ) բաղադրիչի առաջընթացի վերաբերյալ տեղեկատվական հանդիպմանը: Հանդիպման հիմնական նպատակն էր ցուցադրել ՌԱՄԱ պրակտիկայի հնարավոր կիրառումը՝ հիմնված սննդի/գյուղատնտեսության, շինանյութի եւ քիմիական արդյունաբերության վրա, ինչպես նաեւ ստանալ առաջարկություններ շահագիգիռ այլ կազմակերպությունների հետ գործընկերության հնարավորությունների վերաբերյալ: